सांगली : पुणे येथे होणाऱ्या 100 व्या अखिल भारतीय मराठी साहित्य संमेलनाच्या पार्श्वभूमीवर आणि त्यादरम्यान होणाऱ्या साहित्य संमेलनाच्या निमित्ताने महाराष्ट्र साहित्य परिषदेच्या सांगली शाखेच्या वतीने ‘साहित्यप्रेमींचा स्नेह मेळावा’ आयोजित करण्यात आला आहे. हा स्नेह मेळावा रविवार, दि. 30 ऑगस्ट रोजी सायंकाळी 4 वाजता सांगलीतील श्रीमती राजमती नेमगोंडा पाटील कन्या महाविद्यालय, नेमिनाथनगर येथे होणार आहे.
महाराष्ट्र साहित्य परिषदेचे पुणे येथील अध्यक्ष, लेखक व दिग्दर्शक योगेश सोमण हे या कार्यक्रमास मार्गदर्शक म्हणून उपस्थित राहणार आहेत. त्यांच्या उपस्थितीत साहित्यप्रेमींना संवाद साधण्याची आणि स्नेहमेळाव्यात सहभागी होण्याची संधी मिळणार आहे. कार्यक्रमासाठी महाराष्ट्र साहित्य परिषदेच्या सांगली शाखेचे अध्यक्ष प्रा. संजय ठिगळे, उपाध्यक्ष डॉ. अनिल मडके, उपाध्यक्ष प्रमोद चौगुले, कार्यवाह अभिजीत पाटील, कार्यवाह वर्षा चौगुले आणि कोषाध्यक्ष सचिन पाटील हे निमंत्रक आहेत.
कार्यकारिणी सदस्य महेश कराडकर, भीमराव धुळबुळ, मनीषा पाटील, डॉ. भीमराव पाटील, कुलदीप देवकुळे, लता ऐवळे, प्रदीप सुनार आणि महादेव माने तसेच डॉ. दिलीप शिंदे (स्वीकृत सदस्य) आणि प्राचार्य डॉ. भास्कर ताम्हणकर (स्वीकृत सदस्य) यांचा कार्यक्रमाच्या आयोजनात सहभाग आहे. साहित्य, साहित्यिक आणि साहित्यप्रेमी यांच्यातील स्नेहबंध अधिक दृढ करण्याच्या उद्देशाने आयोजित करण्यात आलेल्या या मेळाव्यास सांगली परिसरातील साहित्यप्रेमींनी मोठ्या संख्येने उपस्थित राहावे, असे आवाहन आयोजकांनी केले आहे.
- कार्यक्रमाची माहिती
- कार्यक्रम : साहित्यप्रेमींचा स्नेह मेळावा
- दिनांक : रविवार, 30 ऑगस्ट 2026
- वेळ : सायंकाळी 4 वाजता
- स्थळ : श्रीमती राजमती नेमगोंडा पाटील कन्या महाविद्यालय, नेमिनाथ नगर, सांगली
- मार्गदर्शक : योगेश सोमण
- आयोजक : महाराष्ट्र साहित्य परिषद, सांगली शाखा
